|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шерзатқа қатысты қылмыстық іс бойынша екінші сот отырысы басталды, - деп хабарлайды Dauletten.kz.
Аталған қылмыстық іс бойынша келесі азаматтарға айып тағылып отыр:
• Шынасыл Абзалға ҚР Қылмыстық кодексінің 99-бабы 2-бөлігі бойынша — адам өлтірді деген, сондай-ақ 293-бабы 3-бөлігі бойынша — бұзақылық әрекет жасады деген айып тағылған.
• Сакиев Равильге 99-баптың 2-бөлігі және 24-баптың 3-бөлігіне сәйкес — адам өлтіруге оқталды деген, сонымен қатар 293-баптың 3-бөлігі бойынша — бұзақылық айыптары тағылған.
• Белгожаев Шыңғыс, Аскентай Ильясов, Тоқтаубаев Нұрбол, Тоқтаубаев Азамат және Қалиахмет Дидарға қатысты ҚР ҚК 293-бабы бойынша — бұзақылық әрекеттері үшін айып тағылып отыр.
• Ал кәмелетке толмаған Ысқақ Думанға — ауыр қылмыс туралы құзырлы органдарға хабарламады деген айып тағылған.
Естеріңізге сала кетейік, 4 қазан күні Талғар қаласында 16 жастағы Шерзат Полат өз отбасының көз алдында көз жұмған еді. Тергеу деректеріне сүйенсек, жасөспірім сол сәтте әкесіне дүкенде көмектесіп жүрген, осы кезде ол мен сатып алушы арасында дау туындап, жанжал кейін төбелеске ұласқан.
