|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Төтенше жағдайлар вице-министрі Кеген Тұрсынбаевтың айтуынша, Қазақстан Мьянма мен Таиландтағыдай жойқын жер сілкінісіне қарсы дайындық деңгейін қамтамасыз еткен, - деп хабарлайды Dauletten.kz.
Оның мәліметінше, елімізде жер сілкіністерін қадағалайтын арнайы сейсмология институты жұмыс істейді. Қазақстан аумағындағы 15 облыс сейсмикалық тұрғыда қауіпті аймақтар қатарына жатады. Әсіресе Алматы қаласы, Алматы және Жамбыл облыстары 9 балға дейінгі жер сілкіністеріне бейім өңірлер ретінде ерекшеленеді.
- Бұл аймақтарда сейсмикалық қауіпсіздікке қатысты алдын алу және дайындық шаралары жүргізіліп жатыр. Ескерту жүйелері мен эвакуация жоспарлары толыққанды әзірленген. Біз бұл бағытта әрдайым сақадай сай болуымыз керек, – деді Тұрсынбаев.
Сонымен қатар, вице-министр зілзаланың салдарын жою кезінде әкімдіктерден бастап, медицина қызметкерлері мен құтқарушыларға дейін барлық жауапты құрылымдардың бірлесіп әрекет ететінін айтты. Оның сөзінше, төтенше жағдайларға жауап беру жоспары күнделікті жаңартылып, пысықталып отырады.
- Су тасқыны кезіндегідей көмек көрсету жүйесі бізде де бар. Бірінші, екінші және үшінші күнге арналған нақты жоспарымыз дайын. Барлық өңірден қолдау көрсетіледі. Оның ішінде жеке құрам, техника, азық-түлік, медицина және эвакуация жұмыстары қамтылады. Алматыны қоса алғанда, барлық облыста эвакуациялық пункттер тұрғындарды қабылдауға әзір, – деді ол.
Сондай-ақ, сейсмикалық тұрғыда қауіпті аймақтарда ғимараттар мен көлік инфрақұрылымын нығайту жұмыстары жалғасып жатыр.
