|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанада ІІ Орталық Азия медиа форумы басталды, - деп хабарлайды Dauletten.kz.
Іс-шараға саясаткерлер, журналистер, медиакомпаниялар мен халықаралық ұйымдардың басшылары, сондай-ақ беделді БАҚ сарапшылары қатысуда.
Форумға Қазақстан, Өзбекстан, Қырғызстан, Әзірбайжан, Тәжікстан, Түрікменстан, Ұлыбритания, Қытай, Катар, Ресей және басқа елдерден 700-ден астам делегат қатысуда.
Іс-шара Орталық Азия медиа ұйымдары мен халықаралық серіктестер арасындағы ынтымақтастықты нығайту, БАҚ-тың цифрлық трансформациясын және оның аймақтың ақпараттық кеңістігіне әсерін талқылау, қоғамдық пікірді қалыптастырудағы бұқаралық ақпарат құралдарының рөлін зерттеу, тұрақты дамуды қолдау және халықаралық аренада аймақтық мүдделерді ілгерілету, сондай-ақ климаттың өзгеруі, геосаяси тұрақсыздық және олардың Орталық Азияға экономикалық әсері сияқты өзекті жаһандық сын-қатерлерді талқылау мақсатында өткізіледі.
Екі күн ішінде форумның панельдік сессияларында қатысушылар жаңа өсіп келе жатқан және Орталық Азия елдерінің БАҚ арасындағы ынтымақтастық мүмкіндіктерін, жаһандық БАҚ-ты дамыту және болашақтағы ақпараттық ландшафтты қалыптастыру мен жасанды интеллект және үлкен деректер дәуіріндегі медианың цифрлық трансформациясын, сонымен қатар елдің имиджін көтерудегі әлеуметтік желілердің рөлін талқылайды.
Форум аясында Орталық Азия елдерінің ақпарат министрлерінің (уәкілетті тұлғаларының) жұмыс кездесуі де өтеді.
