Жаңалықтар

Birgemiz: Ayala жалпыұлттық жобасының нәтижелері бойынша қоғамдық тыңдалым өтті

03.12.2024

1 мин

0

205

Волонтерлік желі “Біргеміз” қоғамды жақсартуға және әртүрлі әлеуметтік топтарды қолдауға бағытталған 8 негізгі бағытты қамтиды. Бұл бағыттар волонтерлік қызметті жүйелеп, оның тиімділігін арттырады. Бұл туралы Dauletten.kz хабарлайды.

“Біргеміз” волонтерлік желісінің 8 саласы:

    1.    Birgemiz: Bilim

• Білім беру саласындағы қолдау;
• Оқушылар мен студенттерге көмектесу (тьюторлық, репетиторлық қызметтер);
• Білім беру курстары мен іс-шараларын ұйымдастыру.

    2.    Birgemiz: Saýlyq

• Медицина мекемелерінде еріктілердің көмегі;
• Донорлық акциялар мен аурулардың алдын алу шараларын ұйымдастыру.

    3.    Birgemiz: Úmit

• Төтенше жағдайларда волонтерлік көмек көрсету (су тасқыны, өрт және т.б.);
• Құтқару қызметтері мен зардап шеккендерді қолдау.

    4.    Birgemiz: Qamqor

• Жалғызбасты қарт адамдарға қамқорлық жасау;
• ҰОС ардагерлерін қолдау.

    5.    Birgemiz: Sabaqtastyq

• Ұрпақтар арасындағы байланысты нығайту;
• Жастарды аға буынды құрметтеуге тәрбиелеу.

    6.    Birgemiz: Taza Álem

• Экологиялық бастамалар;
• Сенбіліктер ұйымдастыру, ағаш отырғызу, қоқыс жинау.

    7.    Birgemiz: Asyl mura

• Тарихи-мәдени мұраны сақтау;
• Ескерткіштерді қалпына келтіру, ұлттық мәдениетті насихаттау.

    8.    Birgemiz: Ayala

• Жануарларға қамқорлық көрсету;
• Жануарларға адамгершілік қатынасты, қорғау идеяларын балалар мен жасөспірімдер арасында қалыптастыру.

Бұл бағыттар әр азаматтың волонтерлік қызметке қатысуына мүмкіндік береді және Қазақстанда азаматтық қоғамның дамуына ықпал етеді.

Birgemiz: Ayala – жануарларға жауапты қарым-қатынасты қалыптастыруға бағытталған жоба. 

Birgemiz: Ayala жобасының нәтижелері:

• Жануарларға жауапты қарым-қатынасты қалыптастыру саласында еріктілердің қатысуы кеңейтілді:
• 2 мыңнан астам ерікті, оның ішінде 1 мыңнан аса жас және 50 "күміс ерікті" тартылды;
• 100-ден аса жануар құтқарылды;
• салалық ұйымдармен 5 меморандумға қол қойылды;
• әрқайсысы 300 мың теңге көлемінде 30 шағын грант берілді.

- "Birgemiz: Ayala" жобасын ұйымдастырушы ретінде, мен осы жобаның қол жеткізген жетістіктеріне ерекше қуаныштымын. Жануарларға жауапкершілікпен қарауды қалыптастыру бағытында 2022 жылдан бастап жүзеге асырылып келе жатқан жобамыздың нәтижелері көз қуантарлық. Біздің жобаға қосылғанволонтерлердің әрқайсысы волонтерлік саланың дамуына және қоғамда жануарларға деген жауапкершілік сезімін арттыруға үлкен үлес қосуда. Бұл – тек басы ғана, алда әлі де көп жұмыс бар. "Green Help" ҚБ атынан барлық қатысушыларға, серіктестерімізге және қолдау білдірген барлық адамдарға алғыс айтамын. Біз бірге үлкен жетістіктерге жете аламыз және жануарларға қамқорлық көрсету мәдениетін одан әрі дамытуға атсалысамыз деп сенемін, –  деп пікір білдірді "Birgemiz: Ayala" жалпыұлттық жобасының менеджері Нұрасыл Бекматов.