Жаңалықтар

Бүгіннен бастап елімізде қандай өзгерістер болады?

01.04.2025

мин

1

1610

Сәуірде қазақстандықтарды бірқатар өзгеріс күтіп тұр, - деп хабарлайды Dauletten.kz.

1 сәуірден бастап бірінші сыныпқа құжат қабылдау басталады.

Биыл мектепке қабылдау процесі 1 сәуірден 31 тамызға дейін жалғасады. Ата-аналар 6 жастан асқан балаларын 1-сыныпқа тіркей алады. Өтінішті egov.kz порталы, жергілікті атқарушы органдардың ақпараттық жүйелері немесе қағаз түрінде тапсыруға мүмкіндік бар. Құжат қабылдау дүйсенбіден жұмаға дейін, демалыс және мереке күндерін есептемегенде жүргізіледі.

Мопед тіркеу мерзімі аяқталады

5 сәуірден бастап тіркелмеген мопедтерді жүргізуге тыйым салынады. Бұл талап Әкімшілік кодекстің 590-бабының 2-бөлігіне сәйкес енгізілген. Тіркеу үшін тұрғылықты жердегі халыққа қызмет көрсету орталығына келесі құжаттарды тапсыру қажет:

    •    Жеке куәлік (электронды нұсқасы жарамды);

    •    Мопедтің техникалық құжаттары немесе сипаттамалары туралы мәліметтер.

Мопедті тексерістен өткізіп, мемлекеттік нөмір мен тіркеу куәлігін алу үшін мемлекеттік баж салығын төлеу керек.

Оқушылар үшін IV тоқсан басталды

Қазақстандық оқушылар 21-31 наурыз аралығында 11 күндік көктемгі демалысқа шықты. Ал IV тоқсан 1 сәуірде басталып, 25 мамырға дейін жалғасады. Жалпы ұзақтығы – 8 апта.

Сәуір айындағы демалыс күндер

2025 жылы сәуірде мемлекеттік мерекелер жоқ, сондықтан демалыс күндері тек сенбі мен жексенбіге түседі.

Демалыс күндері: 5, 6, 12, 13, 19, 20, 26, 27 сәуір.

Алайда ай ішінде бірнеше кәсіби және атаулы күндер бар:

    •    6 сәуір – Геологтар күні;

    •    12 сәуір – Ғылым қызметкерлері күні;

    •    15 сәуір – Ұлттық ғашықтар күні;

    •    21 сәуір – Қазақстан Республикасы Мемлекеттік күзет қызметі күні.