Жаңалықтар

Қазақстандағы ең жоғары жалақы: қай сала көш бастап тұр?

31.03.2025

мин

4

1010

Ұлттық статистика бюросы 2024 жылдың IV тоқсанындағы жалдамалы қызметкерлердің орташа жалақысы туралы мәліметтерді жариялады, деп хабарлайды Dauletten.kz.

Ең жоғары жалақы қай салада?

Еңбекақы деңгейі бойынша көш бастап тұрған – қаржы және сақтандыру қызметі. Бұл сала қызметкерлерінің орташа жалақысы 890 573 теңгені құраған. Одан кейін тау-кен өнеркәсібі мен карьерлерді игеру саласы орналасқан – 856 521 теңге.

Сондай-ақ жоғары жалақы келесі салаларда тіркелді:

• Ақпарат және байланыс саласында жұмыс істейтіндер 809 564 теңге алған.
• Кәсіби, ғылыми және техникалық қызмет саласында 614 101 теңге жалақы тіркелген.
• Көлік және қоймалау саласында жұмыс істейтіндердің табысы 532 752 теңге болған.

Ең төмен жалақы қай салада?

Жалақысы ең төмен салалар қатарында:
    •    Ауыл, орман және балық шаруашылығы – 270 082 теңге
    •    Сумен жабдықтау, кәріз жүйесі, қалдықтарды жинау және өңдеу – 274 994 теңге
    •    Өнер, ойын-сауық және демалыс саласы – 291 282 теңге

Өңірлер бойынша жалақы деңгейі

Ең жоғары орташа жалақы келесі өңірлерде тіркелген:
    •    Атырау облысы – 593 653 теңге
    •    Ұлытау облысы – 582 943 теңге
    •    Маңғыстау облысы – 564 014 теңге
    •    Астана қаласы – 548 579 теңге
    •    Алматы қаласы – 533 365 теңге

Ал басқа өңірлерде жалақы бұл көрсеткіштерден төмен болған.