|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандық танымал актер Шәріп Серік қызды ұрып-соқты деп айыпталды. Полиция осы жағдайға қатысты тексерісті бастады, – деп хабарлайды Dauletten.kz.
Әлия Бутеева есімді қыз желіде сурет-видеолар жариялады. Кадрлардан актер Шәріп Серік қыздың артынан жалаң аяқ жүгіріп шығып, қолынан ұстап, лифттен шығарып алғаны көрінеді. Жәбірленуші беті қызарған суреттерін де жариялады.
Қазір осы оқиға бойынша тексеріс жүргізіліп жатыр.
- Бұл дерек бойынша тексеріс жүргізіліп жатыр. Оқиғаның мән-жайы, соның ішінде орны мен уақыты анықталып, Қазақстан Республикасының заңнамасына сәйкес шаралар қолданылады, - деді Алматы қалалық полиция департаментінің өкілі.
Осы оқиғадан кейін Sәlem Entertainment компаниясы актер Шәріп Серікпен әріптестік қарым-қатынасын тоқтату туралы шешім қабылдады.
- Соңғы оқиғаларға байланысты Sәlem Entertainment ұжымы Шәріп Серікті "қара тізімге" енгізіп, онымен кез келген ынтымақтастықты толығымен тоқтатты.
Бұған дейін жарияланған "Шакал" сериалы мен Qarga сериалының үшінші маусымы ресми түрде жабылды. Сонымен қатар актер Meow сериалының екінші маусымында басты рөлдердің бірін сомдауы тиіс болған, алайда ол жобадан толықтай алынып тасталды.
Сондай-ақ "Патруль: последний приказ" фильмінің шығармашылық ұжымы актердің қатысуымен түсірілген көріністерді кинонұсқадан алып тастау жұмыстарын белсенді жүргізіп жатқаны белгілі болды.
Компания мәліметінше, актермен арадағы барлық келісімшарт тоқтатылған.
