|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Халықаралық еріктілер күні атап өтіледі, - деп хабарлайды Dauletten.kz.
Еріктілер күні — мейірімділік пен жанашырлықтың жарқын көрінісі. Бұл күн әлем бойынша көмекке мұқтаж жандарға қол ұшын созып, игі істерге атсалысатын еріктілерге алғыс білдіру мақсатында аталып өтеді. Еріктілік — қоғамға деген шынайы қамқорлық пен жауапкершіліктің символы.
Еріктілердің еңбегі өлшеусіз. Олар табиғи апаттардан зардап шеккендерге көмек көрсетеді, жалғызбасты қарттарды қолдап, қайырымдылық шараларын ұйымдастырады, балалардың білім алуына жәрдемдеседі. Еріктілердің ең басты мақсаты — өзгелердің өмірін жақсарту арқылы әлемді мейірімді ету.
Қазақстанда еріктілік қарқынды дамып келеді. Әсіресе, соңғы жылдары жастар арасында бұл бағыт үлкен қолдауға ие болды. “Birgemiz” ұлттық жобасы аясында мыңдаған жас еріктілік қызметке тартылып, қоғамның түрлі саласында үлес қосуда.
Ерікті болу — тек көмек көрсету ғана емес, бұл өзіңді дамытудың, жаңа дағдыларды меңгерудің және адамдармен байланыс орнатудың бірегей жолы. Еріктілік арқылы біз өз қоғамымыздың ажырамас бір бөлігі екенімізді сезініп, ортақ құндылықтарды дәріптейміз.
Еріктілер күніне орай, барша жақсылыққа жаны құмар жанды төл мерекелерімен құттықтаймыз! Жақсылық жасаудан жалықпаңыздар!
