Жаңалықтар

Жүргізуші куәлігін енді eGov Mobile қосымшасы арқылы ауыстыруға болады

13.03.2025

1 мин

0

469

Сурет: zakon.kz

Жүргізуші куәлігін енді eGov Mobile қосымшасы арқылы онлайн түрде ауыстыруға болады, - деп хабарлайды Dauletten.kz.

Бұл қызмет құжаттың мерзімі аяқталғанда, жоғалғанда, ұрланған жағдайда немесе төлқұжат деректері өзгерген кезде қолжетімді. Қызмет іске қосылғалы бері оны 7 000-нан астам адам пайдаланған.

Мұндағы басты ерекшелік — бұрын берілген жеке куәлік немесе төлқұжаттағы фотосуретті қолдану мүмкіндігі. Бірақ негізгі шарт — фотосуреті бар құжат соңғы үш жыл ішінде шығарылған болуы тиіс.

Қызметті пайдалану үшін:

• eGov Mobile қосымшасына кіріп, “Қызметтер” бөлімін ашу қажет;
• “Жүргізуші және көлік” санатынан “Жүргізуші куәлігін беру” қызметін таңдау;
• дайын құжатты алатын ХҚКО-ны белгілеу;
• жүргізуші куәлігін ауыстыру себебін көрсету және фотосуретті жүктеу;
• қолтаңба үлгісін қосып, байланыс нөмірін енгізу қажет;
• мемлекеттік бажды төлеу керек (4 915 теңге);
• өтінімді Face/Touch ID арқылы растау қажет;
• қызмет нәтижесі “Хабарламалар” бөлімінде қолжетімді болады.

Өтінім мақұлданған соң жүргізуші куәлігін таңдаған ХҚКО-дан алу үшін жеке куәлік пен қолданыстағы жүргізуші куәлігін ұсыну қажет. Жаңа құжат берілгенге дейін алдыңғы куәлік жарамды болып қала береді (егер мерзімі аяқталмаса).