Dauletten.kz сайты үкіметтік емес ұйымдар жайлы ақпарат ұсынады.
ҮЕҰ-лардың тіпті өз мерекесі бар. Жыл сайын 27 ақпан күні Дүниежүзілік ҮЕҰ күні аталып өтеді. Бұл күн бүкіл әлемде коммерциялық емес ұйымдардың қоғам үшін атқарып жатқан маңызды еңбектерін мойындау және құрметтеу үшін белгіленген.
⠀
Үкіметтік емес ұйымдар – бұл адамдардың өмірін жақсартуға арналған бастамаларды іске асыратын, қоғамдағы өзекті мәселелерді шешуге көмектесетін ұйымдар. Олар білім беру, денсаулық сақтау, экология, адам құқықтарын қорғау сияқты түрлі салаларда жұмыс істейді.
⠀
Бұл мереке тек ҮЕҰ өкілдеріне ғана емес, олардың идеяларын қолдайтын және үлес қосатын әрбір азаматқа да тиесілі. Сіз де қоғамдық ұйымдардың жұмысын қолдап, қоғамға өз үлесіңізді қоса аласыз. Ерікті болыңыз, қайырымдылық жасаңыз, немесе жай ғана өз ортаңызда жақсы істерді насихаттаңыз!
⠀ Барлық ҮЕҰ-ға алғысымыз шексіз – сіздер қоғамымызды жақсы жаққа өзгертіп жатырсыздар!
