|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жетісу облысында мерзімді әскери қызметші оқ жарақатынан қаза тапты. Бұл ақпаратты Қазақстанның Құрлық әскерлері баспасөз қызметі растады, - деп хабарлайды Dauletten.kz.
Оқиға 14 қаңтарда Сарыөзек гарнизонында болған.
- Далада әскери дайындық сабақтары кезінде мерзімді әскери қызметші қаруды қолдану ережелерін бұзу салдарынан өмірге қауіпті оқ жарақатын алды, – делінген хабарламада.
Оқиға орнында Құрлық әскерлерінің бас қолбасшысы бастаған арнайы комиссия жұмыс істеп жатыр, қылмыстық іс қозғалды.
Құрлық әскерлері баспасөз қызметінің мәліметінше, сарбаз жақсы мінездемеге ие болған және әскери қызметтің шарттарына шағымданбаған.
- Біз ата-анасының қайғысын түсінеміз және орны толмас жоғалтуға ортақтасамыз. Әр командир үшін әскери қызметшінің қазасы – үлкен трагедия. Қолбасшылық сарбаздың жақындары мен туыстарына терең қайғырып көңіл айтады, оларға қажетті барлық көмек көрсетіледі, – деп хабарлады Құрлық әскерлері баспасөз қызметі.
