|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жапонияның Shikoku Bank басшылығы мен қызметкерлері бұған дейін болмаған тарихи құжатқа қол қойды. Онда олар қаржы заңының бұзылуына қатысы бар жағдайда өз-өзіне қол жұмсауға уәде берді, - деп хабарлайды Dauletten.kz.
Shikoku Bank президенті Миура мен оның 23 әріптесі қол қойған құжат банк сайтында жарияланды.
Бұл құжатта былай делінген:
– Егер мәміледе заң бұзылғаны дәлелденсе, кінәлі қызметкер келтірілген шығынды өз қаражатынан өтеуге және сеппуку жасауға міндеттеледі.
Құжат банк президентінің қолымен және арнайы мөрмен расталған. Ант ақша жымқыру, қаражатты орынсыз пайдалану, алаяқтық сияқты әрекеттер мен банк жүйесіне деген сенімге зиян келтіретін басқа да жағдайларды қамтиды.
Shikoku Bank мәлімдемесінде, бұл құжат қызметкерлердің кәсіби этикасының жоғары деңгейін және жауапкершілігін көрсету мақсатында дайындалғаны айтылған. Сонымен қатар банк өкілдері бұл бастаманың ішкі тәртіп қана емес, жапон дәстүрлеріне және ар-намыс принциптеріне адалдықтың көрінісі екенін ерекше атап өтті.
