Теміртау маңында боран салдарынан 40 көлік жолда қалып қойды
13.02.2025
1 мин
0
138
Сурет: видеодан алынған кадр
Қарағанды – Астана тасжолында көлік колоннасы қар құрсауында қалды, – деп хабарлайды Dauletten.kz..
Қарағанды облыстық Полиция департаментінің мәліметінше, қатты боран салдарынан Баймырза мен Ошақанды елді мекендерінің арасында 40 көлік жолда тұрып қалған. Қазіргі уақытта барлық көлік түрлеріне қозғалыс шектелген:
Қостанай облысы: Жезқазған – Арқалық – Петропавл тасжолының 339-377 шақырымы (Арқалық қаласынан Ақмола облысының шекарасына дейін).
Ақмола облысы: Жезқазған – Арқалық – Петропавл тасжолының 377-440 шақырымы (Қостанай облысының шекарасынан Державинск қаласына дейін).
Астана – Қарағанды – Алматы тасжолы: 856-1230 шақырым аралығы (Солтүстік Қазақстан облысының шекарасынан Қажымұқан ауылына дейін).
Жолдың ашылу уақыты: 14 ақпан, 07:00.
Сонымен қатар, келесі бағыттарда да жол қозғалысы шектелген:
Қарағанды облысы: Қызылорда – Жезқазған – Қарағанды – Шідерті тасжолының 970-1135 шақырымы (Қарағанды қаласынан Павлодар облысының шекарасына дейін).
Павлодар облысы: Қызылорда – Жезқазған – Қарағанды – Шідерті тасжолының 1135-1206 шақырымы (Қарағанды облысының шекарасынан Шідерті ауылына дейін).
