|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Алматыда 2003 жылы қоғамдық ұйым ретінде құрылған “Қазақстан Республикасының Ұлттық ғылым академиясы” республикалық қоғамдық бірлестігінің жалпы жиналысы өтті. Жиында ұйымды ерікті түрде тарату туралы шешім қабылданды, - деп хабарлайды Dauletten.kz.
Академия мүшелері бірауыздан Қазақстан Республикасы Президенті жанындағы Ұлттық ғылым академиясына (Жоғары ғылыми ұйым) трансформациялануды қолдап, ұйым Жарғысының барлық талаптарын сақтай отырып, бірлестікті тарату туралы тарихи шешімге келді. Жиынға қатысқан академиктер елдің ғылыми әлеуетін бір орталыққа топтастыру идеясын қолдады.
Бұл қадам Қазақстан Республикасы Президенті жанындағы Ұлттық ғылым академиясының қызметін қайталамауға мүмкіндік беріп, жаңа форматтағы бірегей және тұрақты ғылыми орталық құруға жол ашады. Екі академия ғалымдарының ғылыми әлеуетін біріктіру арқылы еліміздің ғылымы жаңа деңгейге көтерілмек.
