|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Президент әкімшілігінің келісімімен бұл лауазымға Талғат Жапарханұлы Қозбеков бекітілді, - деп хабарлайды Dauletten.kz Түркістан облысы әкімдігінің баспасөз қызметіне сілтеме жасап.
Ресми мәліметке сәйкес, облыс әкімі Нұралхан Көшеров жаңа орынбасарын аймақ активіне таныстырып, өңірді дамыту бағытында маңызды міндеттер жүктелетінін атап өтті. Сонымен қатар, алдағы жұмысына сәттілік тіледі.
Талғат Қозбеков 1976 жылы Талдықорған облысы, Панфилов ауданы, Көктал ауылында дүниеге келген. Абай атындағы Алматы мемлекеттік университетінде “Экономист-маркетолог”, ал Әл-Фараби атындағы Қазақ ұлттық университетінде “Заңгер” мамандығы бойынша білім алған.
Еңбек жолын 1999 жылы Панфилов ауданы бойынша салық комитетінде салық инспекторы ретінде бастаған. Кейін әртүрлі басшылық қызметтерді атқарып, Панфилов ауданы бойынша Мемлекеттік кірістер басқармасын басқарған.
2020 жылдан бастап Атырау облысы бойынша Мемлекеттік кірістер департаменті басшысының орынбасары, Алматы облысы бойынша Мемлекеттік кірістер департаментінің басшысы қызметтерінде болды.
2022 жылдың қыркүйегінен бері Жетісу облысы бойынша Мемлекеттік кірістер департаментін басқарды.
Жаңа қызметінде Талғат Қозбеков Кәсіпкерлік және өнеркәсіп, Құрылыс, Мемлекеттік сатып алу, Қаржы және мемлекеттік активтер, Экономика және бюджеттік жоспарлау басқармаларының жұмысын үйлестіретін болады.
Түркістан облысы әкімінің орынбасары ретінде ол өзіне артылған сенімді ақтауға және жинаған білім-білігін өңірдің дамуына бағыттауға дайын екенін жеткізді.
