|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Нигерияның Лагос қаласынан Вашингтонға бағыт алған Boeing 787-8 Dreamliner ұшағында төтенше жағдай болған, - деп хабарлайды Dauletten.kz.
Ұшақ аспанға көтерілгеннен кейін шамамен 93 минуттан соң, биіктігі 10 937 метрден күрт төмендей бастады. Жолаушылардың айтуынша, ұшақ бірнеше рет қатты соққыны сездіріп, жоғары биіктіктен төменге құлдилаған.
Нигерияның федералды әуежайлар басқармасының мәліметінше, ұшқыш сағат 01:20-да қауіп туралы белгі беріп, апаттық қонуды жариялаған. Ұшақ сағат 03:22-де Лагосқа қайта оралып, Муртала Мұхаммед халықаралық әуежайына аман-есен қонды.
Ұшақта 245 жолаушы, 8 бортсерік және 3 ұшқыш болған, олардың 38-і зардап шеккен.
United Airlines компаниясының өкілі апатты қону болғанын растады, бірақ оқиғаның нақты себебін әлі де жариялаған жоқ. Сонымен қатар, ұшақтағы турбуленттік жағдай болмағанын айтты.
