|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шығыс Қазақстан облысының 11 ауданы “жеке уақытқа” көшті, – деп хабарлайды Dauletten.kz.
13 наурыздан бастап Шемонаиха және Глубокое аудандарындағы мемлекеттік мекемелер, кәсіпорындар мен әлеуметтік қызметтер қызметкерлері үшін жұмыс уақыты 08:00-ден 17:30-ға дейін белгіленді. Түскі үзіліс 12:00-13:30 аралығында өтеді.
Бұл өзгерістер мектептер, балабақшалар және медициналық ұйымдардың жұмысына әсер етпейді, себебі олар бұрыннан осындай кесте бойынша жұмыс істеп келген.
Шемонаиха ауданы әкімдігінің мәлімдеуінше, жаңа жұмыс уақыты еңбек процесін оңтайландыру және аудандар арасындағы өзара байланысты жақсарту мақсатында енгізілді. Сондай-ақ, өзгеріс аймақтың табиғи ерекшеліктерімен – күннің ерте шығып, ерте батуы жағдайымен байланысты.
- Жаңа жұмыс тәртібі күндізгі уақытты тиімді пайдалануға мүмкіндік беріп, еңбек өнімділігін арттырып, тұрғындардың өмір сапасын жақсартуға ықпал етеді, – деді аудан әкімі Дидар Кеңесбаев.
Глубокое ауданында жергілікті тұрғындармен кездесуде жаңа жұмыс кестесі талқыланды.
- Басты мақсатымыз – қызметкерлерге отбасына көбірек уақыт бөлуге жағдай жасау. Біз халықтың пікірін ескеріп, мұндай кесте еңбек және тұрмыс жағдайын жақсартатынына сенімдіміз, – деді аудан әкімі Эльдар Тумашинов.
Жергілікті тұрғындар да бұл бастаманы қолдады.
- Кешкі уақыттың босауымен отбасыма көңіл бөліп, үй шаруасына уақыт табуға мүмкіндік туды, – дейді Глубокое ауданының тұрғыны Роза Адильбаева.
Айта кетейік, 29 ақпаннан 1 наурызға қараған түні Қазақстан бірыңғай уақыт белдеуіне өтті. Алайда 7 маусымда уақытты қайта өзгертуге қатысты петиция басталып, 50 мыңнан астам қол жиналғанымен, ол қабылданбады.
2025 жылдың қаңтарынан бастап облыстың бірнеше ауданы жаңа жұмыс уақытына кезең-кезеңімен көшті.
Бұл аудандарда жұмыс күні 08:00-де басталып, 17:30-да аяқталады. Түскі үзіліс уақыты – 12:00-13:30.
