|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сапасыз салюттар мен бенгал шамдары көру қабілетін жоғалтуға әкелуі мүмкін, деп ескертті Алматының Жедел медициналық жәрдем қызметінің өкілі Андрей Ложкин Өңірлік коммуникациялар қызметінде өткен брифингте, - деп хабарлайды Dauletten.kz.
- Халық қолжетімді пиротехникалық құралдарды сатып алады. Әдетте, оларды қолда ұстап тұру қажет. Өкінішке қарай, көбіне сапасыз өнімдер сатып алынады, сондықтан жиі күйіктер, қол жарақаттары тіркеледі. Көп жағдайда саусақтардың ұсақ фалангаларының үзілуі және көздің күйіп қалуы байқалады, – деді Ложкин.
Алғашқы медициналық көмек көрсетуде азаматтар күйіктерді қармен ысқылай бастайды, бұл қосымша жарақаттарға, жазылудың ұзаруына және кейде көру қабілетін жоғалтуға әкеледі.
- Екінші қате – жаралар мен күйіктерді емдеуге арналмаған майлар мен кремдерді қолдану. Бұл да жазылу процесін тежейді және тыртықтардың пайда болуына себеп болады, – деп ескертті спикер.
Жарақат алған жағдайда дереу 103 нөміріне қоңырау шалу қажет.
Алматы ТЖД басшысының орынбасары Рахман Каримжан пиротехникалық құралдарды тек мамандандырылған дүкендерден сатып алу керектігін айтты. Қаптаманың бүтіндігіне, сызаттар мен деформациялардың болмауына көз жеткізу маңызды. Сондай-ақ, өнімнің жарамдылық мерзіміне назар аудару қажет.
Жедел медициналық жәрдем қызметінің мәліметінше, жыл сайын Жаңа жыл мерекесі кезінде пиротехникалық құралдардан жарақат алған 10-15 адам тіркеледі.
