|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Динара Құлыбаеваға қатысы бар Қазақстан-Британ техникалық университеті (КБТУ) мемлекетке қайтарылды, - деп хабарлайды Dauletten.kz.
Қаржылық есептілік депозитарийіндегі мәліметтерге сәйкес, университеттің жаңа иесі – Қазақстан Үкіметіне тиесілі Қайтарылған активтерді басқару компаниясы. Акционерлік құрамдағы өзгерістер 27 ақпанда ресми түрде тіркелген.
ҚБТУ 2001 жылғы 3 тамызда Қазақстан Үкіметінің қаулысымен құрылды. Қазақстан тарапынан құрылтайшысы – Үкімет, ал уәкілетті орган – Білім және ғылым министрлігі болды. Ал Ұлыбритания тарапынан серіктестер ретінде елшілік пен Британ кеңесі қатысқан.
2003 жылы университет “ҚазМұнайГаз” ұлттық компаниясының меншігіне өтті, сол кезде компания оның жалғыз акционері болды. 2018 жылы жекешелендіру бағдарламасы аясында ҚБТУ Нұрсұлтан Назарбаевтың Білім беру қорының қарамағына берілді. Аталған қордың құрылтайшыларының бірі – Назарбаевтың ортаншы қызы Динара Құлыбаева.
2023 жылғы шілдеде Қазақстан Президенті Қасым-Жомарт Тоқаев заңсыз иеленген активтерді мемлекетке қайтару туралы заңға қол қойды. Бұл заң аясында әкімшілік-ресурстық артықшылықтарды пайдаланған олигархиялық топтар мен ірі сыбайлас жемқорлық субъектілеріне тиесілі активтерді қайтару тетіктері қарастырылған.
