|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
”ҚазМұнайГаз” “Таза Қазақстан” акциясы аясында 97 мыңнан астам ағаш отырғызды. Осылайша, компания Мемлекет басшысы бастамашы болған ауқымды шараға елеулі үлес қосуда, - деп хабарлайды Dauletten.kz.
Ағаш отырғызу “ҚазМұнайГаз” қызмет ететін барлық өңірлерді қамтыды: Ақтау, Атырау, Ақтөбе, Шымкент, Қызылорда және Астана. Ерекше назар қалалар мен ауылдарда жаңа жасыл аймақтарды құруға және компанияның өндірістік нысандарының аумақтарын көгалдандыруға аударылды.
Отырғызу үшін жергілікті климаттық жағдайларға бейімделген ағаш түрлері, соның ішінде терек, қайың, қарағай және тал пайдаланылды.
2020 жылдан 2023 жылға дейін “ҚазМұнайГаз” тобының кәсіпорындары шамамен 100 мың ағаш отырғызды. Сондай-ақ, 2024 жылдың сәуір айының басында КМГ ұйымдастыруымен Арал теңізінің құрғаған табанында 15 мың гектар аумаққа шамамен 4,5 миллион сексеуіл көшеті отырғызылды. Бұл өңір экожүйесін қалпына келтіруге маңызды үлес болды.
“ҚазМұнайГаз” көгалдандыру және қоршаған ортаны қорғау саласындағы белсенді жұмысын жалғастыруда.
