|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда декларация тапсыру мерзімдерін бұзғаны үшін 68 мыңнан астам салық төлеушінің банктік шоттары бұғатталды, - деп хабарлайды Dauletten.kz Қаржы министрлігі Мемлекеттік кірістер комитетіне сілтеме жасап.
Ведомствоның мәліметінше, декларацияны 1 қаңтардан 16 қыркүйекке дейінгі кезеңде, яғни 8,5 ай ішінде тапсыруға болатын еді. Биыл алғаш рет Қазақстанда жалпыға бірдей декларациялауға кәсіпкерлер де қосылды.
- Жалпыға бірдей декларациялауға міндетті 4,8 миллион адамның ішінде декларация тапсырмағаны үшін мемлекеттік кірістер органдары 68,3 мың жеке кәсіпкер мен жеке практикамен айналысатын тұлғалардың банктік шоттарындағы шығыс операцияларын тоқтатты. Бұл жалпы көрсеткіштің 1,4 пайызына тең, – делінген хабарламада.
Сонымен қатар, бұзушылықтарды жойған 17,5 мыңнан астам салық төлеушінің (яғни, бұғатталған шоттардың 26 пайызының) банктік шоттары қайта ашылды. Салық органдары қалған шоттарды бұзушылықтарды жою шамасына қарай ашу жұмысын жалғастыруда.
Айта кетейік, декларация тапсыруға үлгермеген азаматтарға хабарлама алғаннан кейін бұзушылықтарды түзету үшін 30 жұмыс күні беріледі. Қажет болған жағдайда салық төлеушілер бұрын тапсырылған декларацияны қайтарып алып, түзетілген нұсқасын ұсына алады.
- Декларацияны уақытында тапсырмаған азаматтар үшін бірінші ретте ескерту түріндегі әкімшілік жауапкершілік көзделген. Бұзушылықтар жойылғаннан кейін банктік шоттар бойынша шығыс операциялары бір жұмыс күнінен кешіктірілмей қалпына келтіріледі, – делінген хабарламада.
