|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Дубайда өткен халықаралық SWAT Challenge жарысы аяқталды, - деп хабарлайды Dauletten.kz Polisia.kz сайтына сілтеме жасап.
Бұл беделді бәсекеге 80 елден 100-ден астам арнайы жасақ бөлімшесі қатысып, бес күн бойы тактикалық дайындық, штурм, құтқару операциялары, кепілге алынған адамдарды босату және кедергілер жолағын еңсеру бойынша шеберліктерін көрсетті.
Қазақстан Республикасы Ішкі істер министрлігінің “Сұңқар” арнайы жасағы барлық кезеңде жоғары нәтижеге қол жеткізіп, жалпы есепте күміс жүлдені иеленді. Сонымен қатар, Қазақстанның басқа да арнайы бөлімшелері үздік ондықтан көрінді. Олардың қатарында ҚР ҰҚК “Арыстан”, “SSN Aktau”, МКҚ-ның “Сардар” арнайы жасағы және ІІМ Ұлттық ұланының құрамасы бар.
Айта кетейік, “Сұңқар” командасы алғашқы және үшінші кезеңдерде бірінші орын алып, жалпы есепте екі алтын медаль және күміс жүлде жеңіп алды. Бұл – команданың аталған жарысқа екінші рет қатысуы.
Биылғы сайыстың ерекшелігі – Ішкі істер министрлігінің арнайы жасақтары атынан алғаш рет әйелдер құрамасы “Томирис” жарысқа қатысып, өздерін жоғары деңгейде көрсетті. Оның сапында конькимен жүгіру спортынан әлем рекордшысы, 2014 жылғы Олимпиада ойындарының қатысушысы, спорт шебері, сондай-ақ күштік спорт түрлері бойынша бірнеше дүркін жүлдегерлер бар. “Томирис” командасы барлық кезеңнен сәтті өтіп, ерлер құрамаларымен тең дәрежеде өнер көрсетті. Нәтижесінде, әйелдер арасындағы жалпы есепте Қазақстан құрамасы екінші орынға ие болды.
