|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандықтарға 10 сотық тегін жер тек инфрақұрылымы бар аумақтардан ғана беріледі. Яғни, су мен жарық тартылмаған жерлерге үй салуға рұқсат жоқ, - деп хабарлайды Dauletten.kz.
Жеке тұрғын үй құрылысына арналған жер телімдері тек су құбыры мен электр желісі жүргізілген аймақтардан бөлінеді. Бұған дейін мұндай талап болмағандықтан, 4 миллионнан астам қазақстандық өз қалауынша жер таңдап, өтініш берген. Егер көрсетілген аумақта қажетті инфрақұрылым болмаса, кезек әрі қарай жылжи береді. Жер берілетін елді мекенде міндетті түрде су мен жарық болуы шарт.
Ауыл шаруашылығы министрлігінің мәліметінше, бұрын өтініш берген азаматтардың кезегі сақталады, қайта өтініш берудің қажеті жоқ. Кезек жергілікті атқарушы органның автоматтандырылған жүйесінде арнайы есепке алыну тәртібімен қалыптастырылады.
Жаңа ережеге сәйкес, жер телімі өтініш арнайы есепке алынғаннан кейін ғана беріледі, ал бұл есепті жергілікті атқарушы органдар жүргізеді. Егер бөлінген жер телімі тұрғын үй салу мақсатында пайдаланылмаса, ол мемлекет меншігіне қайтарылады.
