|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ауыл шаруашылығы министрлігінің Ветеринариялық бақылау және қадағалау комитеті Қазақстаннан Ресейге жөнелтілетін тауық етінен өлімге әкелуі мүмкін листерия бактериясы анықталғаны туралы ақпаратқа қатысты пікір білдірді, – деп хабарлайды Dauletten.kz.
Ведомствоның мәліметінше, 29 қаңтарда Россельхознадзор “Макинская птицефабрика” ЖШС өнімдеріне күшейтілген зертханалық бақылау енгізілгенін жариялаған.
Мұндай жағдайда тауарларды Еуразиялық экономикалық одақ (ЕАЭО) аумағында тасымалдауға болады, бірақ әрбір партия міндетті зертханалық тексеруден өтеді.
- Қазіргі уақытта комитет Россельхознадзордан зертханалық зерттеулердің растайтын нәтижелерін алған жоқ. ЕАЭО-ның №94 ережесіне сәйкес, уәкілетті органдар анықталған заңбұзушылықтар туралы барлық мүдделі тараптарды 10 жұмыс күні ішінде хабардар етуге міндетті. Осы жағдайдың себептерін анықтау мақсатында Ақмола облыстық аумақтық инспекциясы кәсіпорында тексеру жүргізіп, өнім үлгілерін зертханалық талдауға алады, – делінген комитеттің хабарламасында.
