|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ағзаны сауықтыру және кез келген аурудан арылу үшін адам психологиясына да мән беру керек: Қазақстандық шипажай жаңа емшара түрін қосты, - деп хабарлайды Dayletten.kz.
Алғаш рет ҚР ПІБ Медорталығына қарасты "Оқжетпес" шипажайында демалушыларға кәсіби психологиялық қолдау көрсету қызметі іске қосылды.
Шипажайда ағзаны сауықтыру және қалпына келтіруге арналған барлық медициналық мүмкіндіктерге ие. Биылдан бастап, емдеу-сауықтыру кешенінде қонақтарға ұсынылатын қызмет түрі одан әрі жетілдіріліп, тән денсаулығын психологиялық қуатпен үйлестіретін мүмкіндік жасалды.
Қазіргі өмір ырғағы, күйзеліс, шамадан тыс ақпарат, тіпті ағзадағы біршама өзгерістер мен денсаулықтың әлсіреуі терең психологиялық мәселелермен байланысты болуы мүмкін. Санаторий мамандары егер адам медициналық тұрғыдан ғана емес, эмоционалды түрде де толыққанды қолдау алса ғана, сәтті оңалту әрі сауығу мүмкіндікі жоғары болады дейді.
— Психологиялық қолдау сауықтыру процесінде шешуші рөл атқарады. Психоэмоционалды тепе-теңдік сақталмайынша, денсаулықты оңалту мүмкін емес. Күйзеліс, мазасыздық, депрессия немесе тіпті бейсаналық ішкі блоктар қалпына келтіру процесін едәуір баяулатуы мүмкін, — дейді "Оқжетпес" шипажайының психологы Любовь Дергачева.
Психологпен жеке сессиялар күйзеліс деңгейін төмендетуге, ұйқы сапасын жақсартуға және ішкі күш-қуатты қалпына келтіруге көмектеседі, бұл әсіресе оңалту кезеңінде маңызды. Бұл - Қазақстан үшін шипажай-курорттық сауықтыруда қолға алынып отырған бірегей тәсіл. Осылайша "Оқжетпес" шипажайы тек қана физикалық сауықтыру орны емес, әрбір демалушы мен науқасқа жан-жақты назар аударуға, тән мен жанның үйлесімділігі жолында қолдауға бағытталған мекенге айналады.
