Brent
WTI
kz
kz ru
Астана
Астана
Алматы
Ақтау
Ақтөбе
Атырау
Қарағанды
Көкшетау
Қостанай
Қызылорда
Павлодар
Семей
Петропавл
Талдықорған
Тараз
Шымкент
Орал
Өскемен
CNY
MNT
KGS
UZS
TRY
Сіздің өтінішіңіз сәтті жіберілді, Рақмет!
Жаңалықтар
Қазақстандық оқушылар робототехника мен дрондар бойынша әлемдік чемпионаттарға жолдама алды
Жаңалықтар

Қазақстандық оқушылар робототехника мен дрондар бойынша әлемдік чемпионаттарға жолдама алды

25.02.2025
1 мин
0
215
Сурет: Алматы әкімдігі

Қазақстандық оқушылар робототехника мен дрондар бойынша әлемдік чемпионаттарға жолдама алды, - деп хабарлайды Dauletten.kz.

Алматыда робототехника мен дрондар жарысы бойынша қала әкімінің Кубогы үшін ірі чемпионат – Almaty Tech Cup 2025 өтті. Сайысқа Қазақстан, Қырғызстан, Түркия, Үндістан, Түрікменстан және Өзбекстаннан 3000-нан астам қатысушы жиналды. Олар «DIVE» тақырыбы аясында суасты әлемін зерттеу мен экологиялық мәселелерді шешуге бағытталған инновациялық жобаларын ұсынды.

Әлем чемпионатына кімдер жолдама алды?

Almaty Tech Cup 2025 жеңімпаздары Қазақстан атынан 2025 жылғы 16-19 сәуірде Хьюстонда (АҚШ) өтетін әлемдік робототехника чемпионатында өнер көрсетеді.

FIRST Tech Challenge жоғары санатында Алматыдағы НЗМ ХБН мектебінің PID командасы Алматы әкімінің бас Кубогын жеңіп, чемпионатқа жолдама иеленді. Оларға Қарағанды облысының Мұрагер лицей-интернатынан JelToqSun, Алматының Білім-инновация лицей-интернатынан SANA, сондай-ақ Алматының ФМН НЗМ-нан Cristabol командалары қосылды.

FIRST LEGO League Challenge орта санатында Қарағанды облысының Мұрагер ММЛИ-дан RassLexx және Астанадағы жеке білім беру орталығынан SKILLSET командалары жеңіске жетті.

FIRST LEGO League Explore кіші санатында Павлодар облысындағы SATURN Robotics School-дың Atlantis командасы әлем чемпионатына қатысу мүмкіндігін иеленді. Олар Қазақстанның алғашқы терең су асты базасын жобалап, оны тұрғын модулі, жылыжай, басқару орталығы және ғылыми-зерттеу институтынан тұратын кешен ретінде ұсынды.

Мұхитты зерттеу үшін батискафтар мен дрондар, ал энергия өндіру үшін гидротурбиналар мен Slithy Toves инновациялық электр станциясы қолданылмақ. Браконьерлікпен күресу үшін акула-дрондар жасалып, ал мұхитты қорғау мақсатында су астында литий өндірудің жаңа әдісі ұсынылды.

Халықаралық жарыстарға қосымша жолдамалар

Хьюстондағы чемпионаттан бөлек, Almaty Tech Cup 2025 қатысушылары басқа да беделді халықаралық турнирлерге шақырту алды.

  • Алматының Білім-инновация лицей-интернатының SEN командасы 2025 жылғы 22-24 мамырда Мексиканың Монтеррей қаласында өтетін Mexico Premier Event-ке қатысады.
  • Алматының республикалық физика-математика лицейінен Bolt.m3 командасы 2025 жылғы 4-5 сәуірде АҚШ-тың Уэст-Спрингфилд қаласындағы New England Premier Event-ке жолдама алды.
  • Алматыдағы жеке мектептің MLP Prometheus командасы 2025 жылғы 2-5 шілдеде Нидерландының Эйндховен қаласында өтетін European Premier Event-ке қатысады.
  • Алматы мемлекеттік политехникалық колледжінің KIROSHI командасы Қазақстан атынан Лондонда (Ұлыбритания) өтетін жарысқа қатысады.
  • Астанадағы физика-математика бағытындағы Назарбаев Зияткерлік мектебінің xCellence командасы 2025 жылғы 14 маусымда Жетісу облысының Жыланды ауылында өтетін Zhylandy International Championship-ке шақырту алды.

Гранттар мен жүлделер

Жарыстың жеңімпаздары халықаралық чемпионаттарға жолдамалармен қатар, Қазақстанның жетекші жоғары оқу орындарынан білім гранттары мен ақшалай сыйлықтарға ие болды. Грант бөлген университеттер қатарында SDU University, Energo University, Х. Досмұхамедов атындағы Атырау университеті, AlmaU, KBTU, METU University және Turan University бар.

FIRST чемпионаты туралы

FIRST (For Inspiration and Recognition of Science and Technology) – STEM бағыты бойынша халықаралық білім беру бағдарламасы. Қазақстандық оқушылар үш жыл қатарынан әлем чемпионатының жеңімпаздары атанып, FIRST Global Challenge жарыстарында үздік нәтиже көрсетіп келеді.

Әсіресе, Қазақстан робототехника бойынша 190 елдің арасында үш дүркін әлем чемпионы атанып, 2024 жылы Афинада рекорд орнатқанын атап өткен жөн.

Ұйымдастырушылар мен серіктестер

Almaty Tech Cup 2025 жарысын Алматы қаласы білім басқармасы, USTEM Foundation қоры, Ashyq Aspan ғылыми-білім беру қоры және Дарын РҒПО ұйымдастырды. Жоба Қазақстан Республикасы Оқу-ағарту министрлігі мен Алматы қаласы әкімдігінің қолдауымен өтті.

Біздің телеграмға қош келдіңіз!
308
0 Пікір
                                                                    
Қазір желіде отырғандар
Человек
Көп оқылған мақалалар
  • тәулік
  • апта
  • ай
  • жыл