Жаңалықтар

Қазақстанда бірінші сыныпқа құжат қабылдау мерзімі белгілі болды

20.03.2025

1 мин

0

1351

Сурет: odin.ru

Қазақстанда бірінші сыныпқа құжат қабылдау мерзімі белгілі болды. Биыл өтініштерді қабылдау 1 сәуірде басталып, 2025 жылдың 31 тамызына дейін жалғасады, - деп хабарлайды Dauletten.kz Оқу-ағарту министрлігіне сілтеме жасап.

- “ҚР “Білім туралы” заңына сәйкес, бірінші сыныпқа балалар ата-анасының өтініші бойынша 6 жастан бастап қабылданады. Құжаттарды 1 сәуір мен 31 тамыз аралығында egov.kz электрондық үкімет порталы, жергілікті атқарушы органдардың ақпараттық жүйелері арқылы немесе қағаз түрінде тапсыруға болады, — делінген хабарламада.

Қазақстан азаматтары үшін мектепке қабылдау кезінде қажет құжаттар тізімі:

• Ата-ананың немесе заңды өкілінің өтініші;
• №065-у нысанындағы денсаулық жағдайы туралы анықтама және №052-2/у нысанындағы баланың денсаулық паспорты;
• 3x4 см өлшеміндегі 2 дана фото.

Шетел азаматтары үшін:

Ата-аналар немесе заңды өкілдер Қазақстанда уақытша немесе тұрақты тұруы қажет. Сонымен қатар, Қазақстан Республикасында тұрақты тұру құқығын растайтын және тұрғылықты жері бойынша тіркеу құжаттарын ұсынуы керек.

Өтініштер демалыс және мереке күндерін қоспағанда, дүйсенбіден жұмаға дейін қабылданады.

Құрметті ата-аналар, құжаттарды соңғы күндерге қалдырмай, балаңызды мектепке алдын ала тіркеуді жоспарлаңыз! — деп еске салды комитет өкілдері.