|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Энергетика, Қаржы, Ішкі істер министрліктері мен Ұлттық қауіпсіздік комитеті “Қазақстан Республикасының аумағынан мұнай өнімдерін әкетудің кейбір мәселелері туралы” бірлескен бұйрығына өзгерістер енгізді, - деп хабарлайды Dauletten.kz.
Құжатқа сәйкес, Қазақстан аумағынан, соның ішінде Еуразиялық экономикалық одақ елдеріне автомобиль көлігімен бензин, дизель отыны және кейбір мұнай өнімдерін шығаруға алты айға тыйым салынды.
Бұл шектеуге өндіруші белгілеген көліктердің газ цистерналарында тасымалданатын майлау материалдары мен жанармай кірмейді. Сондай-ақ ғылыми зерттеулер, біліктілік және зертханалық сынақтар үшін авиациялық жанармайды экспорттауға уәкілетті органдардың келісімімен рұқсат етіледі.
Энергетика министрлігінің мәліметінше, бұл шара ішкі нарықты тұрақтандыруға және жанармай тапшылығын болдырмауға бағытталған.
Бұйрық 2025 жылғы 29 қаңтардан бастап күшіне енді.
