|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ішкі істер министрлігі ел аумағында 30-ға жуық қылмыс әлемінің өкілдері ұсталғаны туралы мәлімдеді, - деп хабарлайды Dauletten.kz.
Polisia.kz мәліметінше, ведомство қоғамда заң мен тәртіпті қамтамасыз ету және қылмысқа қарсы күрес бағытында жұмысын жалғастыруда.
- Соңғы екі жылда ұйымдасқан қылмыстық топтарды құру, басқару және олардың құрамына қатысу фактілері бойынша 120-дан астам қылмыстық іс тіркеліп, тергелді, оның ішінде 13-і трансұлттық сипатқа ие. Қылмыстық кодекстің түрлі баптары бойынша 600-ден астам қылмыс әлемінің өкілі жауапқа тартылды, – делінген хабарламада.
Сонымен қатар, халықаралық іздеуде болған 27 ұйымдасқан қылмыстық топ мүшесі, яғни қылмыс әлемінің серкелері ұсталғаны хабарланды. Сондай-ақ Қазақстан аумағында жақын шетелден келген алты “заңдағы ұрының” болғаны анықталып, олардың әрекетіне тосқауыл қойылды.
ІІМ 160 қылмыстық топтың заңсыз әрекеттерін, соның ішінде бопсалау және өзге де ауыр қылмыстарға қатысы бар әрекеттерін тоқтатты. Жалпы, бопсалау фактілері бойынша 1300-ден астам қылмыстық іс қозғалып, адам саудасына қатысты 400-ден астам қылмыс әшкереленді.
- Министрлік ұйымдасқан қылмыстық топтарға қарсы ымырасыз әрі принципті күресін жалғастырады, – деп атап өтті ведомство.
