Жаңалықтар

Қазақстан шекарасын бұзғаны үшін 300-ден астам шетел азаматы ұсталды

06.01.2025

1 мин

0

419

Сурет: gov.kz

Ұлттық қауіпсіздік комитетінің мәліметінше, 2024 жылы шекараны заңсыз кесіп өткен 324 шетелдік азамат анықталған. Шекара қызметі жыл бойы атқарылған жұмыстары жөнінде есебін жариялап, Telegram арнасында мәліметтер ұсынды, - деп хабарлайды Dauletten.kz.

Комитеттің деректеріне сәйкес, 2024 жылы шекара қызметі құзырлы органдармен бірлесіп, шекарадан заңсыз өтуге тырысқан 55 мыңнан астам құқық бұзушыны анықтап, жауапқа тартты. Соның ішінде:

• 324 шетел азаматы шекараны бұзғаны үшін ұсталды;
• 383 шетел азаматының заңсыз өту әрекеті тоқтатылды.

Бұдан бөлек, мемлекеттік шекара арқылы заңсыз тасымалданбақ болған 15 041 тауардың жолы кесілді. Атап айтқанда:

• 451 есірткі заты (2 тонна 300 кг астам);
• 886 қару мен оқ-дәрі;
• 455 діни әдебиет (24 087 дана);
• 5 283 жанар-жағармай материалы (160 млн теңгеден астам);
• 6 086 халық тұтыну тауары (70 млрд теңгеден астам);
• 1 880 шетел валютасы (19 млрд теңгеден астам).

Сонымен қатар, Каспий теңізінде 390 браконьерлік оқиға тіркеліп, олардың алдын алу шаралары жүргізілді. Бұл ретте:

• 196 жүзу құралы;
• 536 км тор;
• 1 994 дана (11 379 кг) бекіре тұқымдас балық;
• 87 814 дана (98 296 кг) ұсақ балық;
• 117 итбалық тәркіленген.

Жалпы бұл заң бұзушылықтардан келген залал 4,6 млрд теңгеге бағаланды.

- Анықталған деректер бойынша құқық қорғау және сот органдарына материалдар жіберілді, – деп мәлімдеді арнайы қызмет.