Brent
WTI
kz
kz ru
Астана
Астана
Алматы
Ақтау
Ақтөбе
Атырау
Қарағанды
Көкшетау
Қостанай
Қызылорда
Павлодар
Семей
Петропавл
Талдықорған
Тараз
Шымкент
Орал
Өскемен
CNY
MNT
KGS
UZS
TRY
Сіздің өтінішіңіз сәтті жіберілді, Рақмет!
Жаңалықтар
Қарағанды облысында лимфангит ауруынан жылқылар жаппай қырылуда
Жаңалықтар

Қарағанды облысында лимфангит ауруынан жылқылар жаппай қырылуда

20.01.2025
1 мин
0
157
Сурет: alexclimb.com

Бұқар жырау ауданының үш ауылында эпизоотиялық лимфангит ресми түрде тіркелді. Соңғы екі жылда бұл дерттен 300-ден астам жылқы өлген, - деп хабарлайды Dauletten.kz.

Қарағанды облысының аумақтық инспекциясының мамандары аталған жағдайды растады. Екі жыл бұрын ауруды алғаш рет Үміткер ауылдық округінің мамандары анықтаған. Содан бері бұл жұқпалы ауру ауданның тағы екі ауылында тіркеліп отыр.

- Карантин аймағында Ветеринариялық бақылау және қадағалау комитетінің эпизоотикалық ауруларға қарсы республикалық жасағы жұмыс атқаруда. Олардың міндеті – әр бес күн сайын ірі жылқы үйірлерін тексеріп, ауруы расталған жануарларды оқшаулау, сондай-ақ әр он бес күн сайын ат қораларды дезинфекциялау. Біздің тарапымыздан бұл жұмыстардың орындалуы қатаң бақылануда, – деді ҚР Ауыл шаруашылығы министрлігінің Ветеринариялық бақылау және қадағалау комитетінің аумақтық инспекциясының басшысы Дархан Иманбаев.

Төрткөл ауылының тұрғыны Мәдениет Жұмаділда осы аурудан 20 жылқысын жоғалтқанын айтты. Ол жылқыларды емдеуге де көп шығын жұмсағанын атап өтті.

- Өткен жылы он бас жылқым қырылды. Биыл тағы он жылқыдан айырылдым. Кейбірі әлі де ауырып тұр. Оларды емдеу мен күту қомақты қаржы талап етеді. Бірақ амал жоқ, әйтпесе, барлық жылқымыздан айырылып қаламыз, – дейді Мәдениет Жұмаділда.

Бұл жұқпалы ауру негізінен тұяқты жануарлар арасында таралады. Сарапшылардың айтуынша, ауруға шалдыққан жылқылардың денесінде жаралар пайда болып, кейіннен олар іріңдейді. Төрткөл ауылының тұрғындары жауапты органдар қырылған малдың шығынын өтеу мәселесін жеделдетпесе, жоғары құзырлы органдарға жүгінетіндерін мәлімдеді.

Біздің телеграмға қош келдіңіз!
308
0 Пікір
                                                                    
Қазір желіде отырғандар
Человек
Көп оқылған мақалалар
  • тәулік
  • апта
  • ай
  • жыл