|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"Қарабауыр қасқалдақ" әнінің тарихын бірі білсе, бірі біле бермейді. Белгілі ақын әрі композитор Есенғали Раушанов бұл өлеңді 1986 жылғы Желтоқсан оқиғасының ауыр кезеңінде жазған, - деп хабарлайды Dauletten.kz.
Сол уақытта Қазақстан Коммунистік Партиясының Орталық Комитетінің бірінші хатшысы Геннадий Колбин бұл әннің саяси астары бар дегенді естіп, ақын Есенғали Раушановты шұғыл шақыртып алады. Ақын Колбинге әннің ешқандай саяси мазмұны жоқ екенін түсіндіріп, оның экология тақырыбына, яғни құрдымға кетіп бара жатқан Арал теңізіне арналғанын, ал әнде сол өңірде өмір сүретін қасқалдақ құстары туралы айтылғанын жеткізеді. Осылайша, ақын тапқырлығымен жағдайдан шыққандай болғанымен, қауіп толық сейілген жоқ.
Кейінірек Есенғали Раушанов Шардарада тұратын композиторға хабарласып: "Заман құбылып тұр. Ертең не боларын болжау қиын…" деген екен. Мұны естіген Лесбек Аманов Қызылқұмның түкпірінде мал бағып, назардан тыс қалуға тырысқан.
"Қарабауыр қасқалдақ" әнінің мәнін сол кезде көпшілік толық түсіне қойған жоқ. Әуені ерекше болғандықтан, жастар бұл әнге той-думан кезінде билеп жүрді. Кейінірек газет-журналдарда бұл ән Желтоқсан көтерілісі кезінде құрбан болған жастардың рухына арналған деген мақалалар шығып, содан бері ол көбіне 16 желтоқсан қарсаңында орындалатын болды.
