|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлеуметтік желіде қызды қатыгездікпен ұрып-соғу сәті түсірілген видео тарады. Полиция оқиғаға қатысушыларды анықтады, - деп хабарлайды Dauletten.kz.
Видеода бір қыздың жекпе-жек тәсілдерін қолданып, диванда отырған екінші қызды қолымен және аяқпен ұрып-соғып жатқаны көрінеді. Бөлмеде бірнеше қыз болған, олар оқиғаны сырттай бақылап тұрған. Тек біреуі ғана ашуға булыққан қызды тоқтатуға тырысады.
Келесі эпизодта шабуыл жасаушы қыз зардап шегушіні жерге құлатып, бірнеше рет соққы жасағаны байқалады.
Белгілі болғандай, оқиға Павлодар қаласында болған.
- Оқиғаға қатысушылардың барлығы анықталды және полиция бөліміне жеткізілді. Қазір оқиғаның себептері мен мән-жайы тексеріліп жатыр, – деп мәлімдеді Павлодар облысы полиция департаменті.
Бейресми мәліметтер бойынша, видеода жергілікті колледждердің бірінде оқитын кәмелетке толмаған студент қыздар болғаны айтылуда.
