Павлодар облысының әкімі денсаулық сақтау басқармасының жұмысын сынға алды
04.12.2024
1 мин
0
214
Сурет: inbusiness
Облыс әкімдігінде денсаулық сақтау саласының алдын ала қорытындылары талқыланды. Өңір басшысы Асайын Байханов денсаулық сақтау басқармасын сынға алды, - деп хабарлайды Dauletten.kz.
Әкімдік мәліметінше, биылғы 10 айда облыста бала туу көрсеткішінің төмендеуі, жүрек-қантамыр ауруларының өсуі және жол-көлік оқиғалары кезіндегі жазатайым жағдайлардың теріс динамикасы тіркелген. Жиын қорытындысында облыс әкімі денсаулық сақтау басқармасына ғана емес, салауатты өмір салтын насихаттау бағытындағы идеологиялық жұмыстарға да сын айтып, аурудың алдын алу оны емдеуден әлдеқайда тиімді екенін атап өтті. Сонымен қатар, республикалық маңызы бар жолдардың ұзақтығын ескере отырып, өңір басшысы жол-көлік оқиғалары салдарынан болатын өлім-жітімді азайту мақсатында Ақсу-Курчатов және Тереңкөл-Железин бағыттарындағы республикалық жолдарда тәулік бойы жұмыс істейтін қосымша шұғыл медициналық қызмет бекеттерін ашуды тапсырды.
