|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Премьер-министрдің орынбасары, Ұлттық экономика министрі Серік Жұманғарин қосымша құн салығын (ҚҚС) 20 пайызға көтеру туралы ұсыныстың нақты кімге тиесілі екенін ашып айтпады, - деп хабарлайды Dauletten.kz.
Сенат кулуарында Ulysmedia тілшісі Жұманғариннен ҚҚС өсіру бастамасының авторы кім екенін сұраған кезде, ол:
"Оны не істейсіз?” – деп жауап берді.
Вице-премьер бұл үкіметтің бастамасы екенін айтып, нақтылаудан бас тартты.
- 28 қаңтарда үкіметтің кеңейтілген отырысында мен өз бағдарламамды таныстырдым. Онда ҚҚС-ты 20 пайызға көтеру туралы бір ауыз сөз айтылған жоқ. Сондықтан бұл әңгімені доғару керек. Біз қазір бизнес өкілдерімен, сарапшылармен пікір алмасып жатырмыз. Кейін үкімет шешім қабылдап, мәселе парламентке ұсынылған соң сіздер білесіздер. Ертең президент ірі бизнес өкілдерімен кездеседі, содан кейін мен “Атамекен” алаңында пікір білдіремін. Кейін подкастқа қатысып, келесі аптада алты жұмыс тобымен бірге өңірлерге барамыз. Онда бизнес өкілдері мен мәслихат депутаттарымен кездесіп, бәрін талқылаймыз. Сондықтан бұл туралы айтуға әлі ерте, – деді Жұманғарин.
Сонымен қатар, ол ҚҚС бойынша нақты шешімнің қашан қабылданатынын айтты:
- Баспасөз мәслихатында 20 ақпанға дейін бұл мәселені Мәжіліске енгізуіміз керек. Себебі қазір Салық кодексіне толықтырулар енгізу туралы заң жобасы қаралып жатыр. Оған қосымша түзетулер енгізу жоспарда бар, – деді вице-премьер.
