|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Оңтүстік Кореяның бұрынғы қорғаныс министрі тергеу изоляторында өз-өзіне қол жұмсамақ болды, - деп хабарлайды Dauletten.kz.
Оңтүстік Кореяның бұрынғы қорғаныс министрі Ким Ён Хён Шығыс Сеулдегі тергеу изоляторында өз-өзіне қол жұмсауға әрекет жасаған. Ол әскери жағдай енгізуге байланысты бүлік жасады деген айыппен қамауда отыр.
Агенттік материалында қылмыстық-атқару қызметі өкілінің мәліметін келтірген. Қылмыстық-атқару қызметінің басшысы Шин Ён Хэн парламент тыңдауларында хабарлағандай, сәтсіз әрекеттен кейін Ким күзетілетін камераға орналастырылған.
Оның айтуынша, Кимнің жағдайы тұрақты.
Естеріңізге сала кетейік, Оңтүстік Корея соты бұрынғы қорғаныс министріне қатысты тұтқындау ордерін шығарған болатын. Сейсенбі күні Сеулдің орталық округтік соты прокуратураның бұрынғы қорғаныс ведомствосы басшысын қамауға алу туралы өтінішін қарастырып жатқанын растады.
Оған президентке әскери жағдай енгізуді және Ұлттық жиналысқа әскер жіберуді ұсынған деген айып тағылып отыр. Бұл заң шығарушылардың жарлыққа қарсы дауыс беруіне кедергі жасау мақсатында жасалған деп айыпталуда.
