|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанның экологиялық заңнамасы халықаралық талаптарға сай бірнеше рет жаңғыртылғанымен, оны орындау тетіктерінде мәселелер бар. Бұл туралы Мәжіліс депутаты, "AMANAT" партиясы фракциясының мүшесі Әділ Жұбанов ҚР Премьер-министрі Олжас Бектеновке жолдаған депутаттық сауалында айтты, - деп хабарлайды Dauletten.kz.
Депутат трансұлттық мұнай компанияларының экологиялық айыппұл төлеу жүйесіндегі заңсыздықтарға назар аударды.
Жұбановтың айтуынша, "Теңізшевройл" компаниясы қоршаған ортаға келтірген залалы үшін салынған айыппұлдарды төлегенімен, бұл шығындарды мемлекетке төленетін табыстан қысқартып отырады. Нәтижесінде, экологиялық айыппұлдар мемлекеттік бюджетке түсудің орнына, шын мәнінде, мемлекет есебінен жабылып отыр. Яғни, мемлекет пен мұнай компаниясы арасындағы жасалған келісімшарт негізінде, "Теңгізшевройл" айыпұлдарын мемлекеттік бюджетке түсетін өз роялти баж салығынан әлі күнге дейін ұстап қалуда.
Депутат ТШО, КПО және NCOC сияқты ірі мұнай компанияларының барлық қызмет ету кезеңіндегі экологиялық айыппұлдарды қайта қарауды, олардың заңды түрде толық өтелуін қамтамасыз етуді, сондай-ақ экологиялық заңнаманы бұзғандарға құқықтық баға беруді талап етті.
