Brent
WTI
kz
kz ru
Астана
Астана
Алматы
Ақтау
Ақтөбе
Атырау
Қарағанды
Көкшетау
Қостанай
Қызылорда
Павлодар
Семей
Петропавл
Талдықорған
Тараз
Шымкент
Орал
Өскемен
CNY
MNT
KGS
UZS
TRY
Сіздің өтінішіңіз сәтті жіберілді, Рақмет!
Жаңалықтар
Мемлекет басшысы Ұлытау облысының әкімі Дастан Рыспековті қабылдады
Жаңалықтар

Мемлекет басшысы Ұлытау облысының әкімі Дастан Рыспековті қабылдады

05.03.2025
1 мин
0
206
Сурет: Ақорда

Мемлекет басшысы Ұлытау облысының әкімі Дастан Рыспековті қабылдап, өңірдің әлеуметтік-экономикалық дамуының қорытындылары мен алдағы жоспарлары туралы есеп алды, - деп хабарлайды Dauletten.kz.

Қасым-Жомарт Тоқаевқа өткен жылы облыста өнеркәсіп өндірісінің 8%-ға, құрылыс жұмыстарының 28%-ға, ал пайдалануға берілген тұрғын үй көлемінің 30%-ға өскені баяндалды.

Әкімнің мәліметінше, 2023 жылы өңірге 226 миллиард теңгеден астам инвестиция тартылған, оның 89%-ын жеке инвестициялар құрайды. Жалпы құны 940 миллиард теңгеге бағаланған инвестициялық пул қалыптастырылған. Биыл құны 138 миллиард теңге болатын 17 жобаны іске асыру жоспарланған. Инвестиция тарту үшін құрылыс, сауда, логистика, баламалы энергетика және туризм салалары басым бағыт ретінде белгіленді.

Мемлекет басшысына жылыту маусымының өту барысы және "Таза Қазақстан" экологиялық акциясының ұйымдастырылуы туралы ақпарат берілді. Сонымен қатар, Президентке өндірістік қауіпсіздікті қамтамасыз ету бойынша берілген тапсырмалардың орындалуы жөнінде баяндалды. Бұл бағыттағы шаралар Үкіметпен бірлесе жүзеге асырылуда. Дастан Рыспеков жақында "Қазақмыс" корпорациясының кенішінде орын алған апат салдарынан қаза тапқан шахтерлердің отбасыларына көрсетіліп жатқан көмек туралы айтты.

Қасым-Жомарт Тоқаев жер қойнауын пайдаланушы ірі компаниялармен жұмысты жалғастыру арқылы бизнестің әлеуметтік жауапкершілігін күшейтудің маңыздылығын атап өтті.

Облыс әкіміне көлік-логистикалық әлеуетті арттыру, инфрақұрылымды жаңғырту, медициналық қызмет сапасын жақсарту, халықты таза ауызсумен қамтамасыз ету және экологиялық мәселелерді шешу жөнінде тапсырма берілді.

Біздің телеграмға қош келдіңіз!
308
0 Пікір
                                                                    
Қазір желіде отырғандар
Человек
Көп оқылған мақалалар
  • тәулік
  • апта
  • ай
  • жыл