|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс төрағасы Ерлан Қошанов жалпы отырыста Қазақстанда 30 жыл бойы қолданылған суперпрезиденттік басқару жүйесі елді саяси дағдарысқа алып келгенін мәлімдеді, - деп хабарлайды Dauletten.kz.
Ерлан Қошановтың айтуынша, бұл дағдарысқа бір адамның билікті уысында ұстап, елдің байлығын санаулы адамдардың иеленуі себеп болған.
- Отыз жыл бойы Қазақстанда суперпрезиденттік басқару жүйесі қолданылды. Алайда уақыт өте келе бұл модель елді үлкен саяси дағдарысқа ұшыратты. Бұған, ең алдымен, мемлекетті бір ғана адамның басқаруы және ел байлығын аз ғана топтың иеленуі себеп болды. Бұл жағдай қоғамның ашу-ызасын тудырып, елдің дамуын тежеді. Сондықтан үш жыл бұрын саяси жүйені жаңғырту процесін бастаудың маңызы зор еді. Бар билікті бір қолға шоғырландыратын жүйеден бас тарту қажет болды. Әлемдегі жағдайлар көрсеткендей, көптеген елде жоғарғы билікті басқа саяси институттарға бөліп беру мәселесі әлі күнге дейін түрлі дау мен пікірталас тудырып келеді, — деді мәжіліс төрағасы.
Оның сөзінше, президенттің бір реттік жеті жылдық мерзімді енгізуі суперпрезиденттік басқару кезеңін аяқтады.
- Президент, керісінше, өзінің жеке бастамасымен өкілеттіктердің бір бөлігін қайта бөліп, бір реттік жеті жылдық мерзімді енгізді. Осылайша, суперпрезиденттік басқару дәуірі аяқталды. Бұрынғы саяси құрылым мен елді басқарудың ескі принциптері түбегейлі өзгерді. Енді билік тармақтары арасында оңтайлы тепе-теңдік сақталған жаңа мемлекеттік-саяси модель қалыптасты. Президенттің жанында өкілеттігі кеңейген, қоғамның сеніміне ие болған парламент, үкімет, конституциялық сот және саяси партиялар пайда болды. Қазір әрбір іс-әрекет заң мен тәртіпке деген құрметке негізделген әлеуметтік мемлекеттің бейнесін қалыптастыруда. Осы сәттен бастап Әділетті Қазақстан жай ғана ұран емес, шынайы мүмкіндікке айналды, — деді Ерлан Қошанов.
