|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Конституциялық сот букмекерлік кеңседе ұтысты төлемеген жағдайда сот қорғауына құқықты шектеу туралы норманың заңдылығын тексеру жөнінде қазақстандық азаматтың өтінішін қарады, – деп хабарлайды Dauletten.kz.
Өтініш берушінің пікірінше, лицензиясы бар ойын бизнесі ұйымдастырған ойындарда ұтыс сомасын өндіріп алу құқығын сот арқылы қорғаудың шектелуі Конституцияға қайшы.
2023 жылдың желтоқсанында азамат ұтыс сомасын өндіру туралы талап-арызбен сотқа жүгінген. Алайда, Азаматтық кодекстің 914-бабына сілтеме жасаған бірінші сатыдағы сот істі қарауды тоқтатқан, ал апелляциялық саты бұл шешімді өзгеріссіз қалдырған.
Конституциялық соттың қорытындысында лицензиясы бар ойын бизнесі субъектілерімен дауларда сот қорғауынан бас тарту азаматтық заңнаманың негізгі қағидаттарына қайшы келетіні және шарттық міндеттемелердің орындалмауына себеп болуы мүмкін екені атап өтілді. Сонымен қатар, Конституциялық сот Азаматтық кодекстің 914-бабының кейбір ережелері қазіргі редакциясында анық емес тұжырымдалғанын, бұл олардың біркелкі түсіндірілуіне және қолданылуына кедергі келтіретінін мәлімдеді.
Тексеру нәтижесінде Конституциялық сот Азаматтық кодекстің 914-бабындағы “ойын бизнесін ұйымдастырушы құмар ойындарын және (немесе) бәс тігуді өткізудің шарттарын сақтаған кезде” деген сөз тіркесін Конституцияға сәйкес келмейді деп танып, Үкіметке заңнаманы қабылданған нормативтік қаулыға сәйкестендіруді ұсынды.
