|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Белгілі КВН ойыншысы Дәуіт Шайхисламов әйелі Дана Орманбаеваға қатысты “ұлтаралық араздықты қоздырды” деген айып негізсіз тағылып, оған заңсыз іздеу жарияланғанын мәлімдеді, - деп хабарлайды Dauletten.kz.
Оның айтуынша, журналист Дана Орманбаеваға қатысты айыптауды “Blogerskii Pizdesh”арнасының авторы Алена Панамарева қолдан ұйымдастырған. Сондай-ақ, Шайхисламов бұл істің артында белгілі бір тапсырыс тұрғанын айтып, қазақстандықтар мен мемлекет басшысына үндеу жолдады.
- Мен заңға әрдайым сеніп келдім, бірақ қазір үнсіз қалуға болмайтынын түсіндім. Әділдікке жету үшін бәрін ашық айту керек! 2024 жылдың сәуір айында “Blogerskii Pizdesh” арнасының авторы Алена Панамарева Алматы полициясына шағым түсірді. Нәтижесінде, менің әйеліме ойдан шығарылған арыз негізінде “ұлтаралық араздықты қоздырды” деген айып тағылып, қылмыстық іс қозғалды. Менің ойымша, Алена Панамарева осылайша өзіне жүктелген тапсырманы орындады,– дейді Дәуіт Шайхисламов.
Ол Алматы тергеу сотының Дана Орманбаеваны сырттай қамауға алу туралы шешімі әлі заңды күшіне енбегенін атап өтті. Қорғаушы тарап бұл шешімге қарсы Алматы қалалық сотына шағым түсірген. Алайда видео авторы БАҚ арқылы жалған ақпарат таратып, осы арқылы апелляциялық сотқа қысым көрсетіп отыр деп санайды.
Дәуіт Шайхисламов соттың әділ шешім шығаруын талап етті.
