|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
“Казцинк” компаниясы 2025 жылға арналған ынтымақтастық аясында ШҚО және Ұлытау облыстарының әкімдіктерімен меморандумдарға қол қойды, - деп хабарлайды Dauletten.kz.
Кәсіпорын әр облыста әлеуметтік бастамаларды іске асыру үшін миллиард теңгеден бөлуді жоспарлап отыр. Қаражат медициналық және әлеуметтік мекемелерді қолдауға, спорт нысандарының дамуына, инженерлік инфрақұрылым мен абаттандыруға бағытталады.
Бұл – “Казцинктің” әлеуметтік жобаларға жұмсайтын қаражатының бір бөлігі ғана. Жалпы, компания жыл сайын осы мақсаттарға шамамен 12 миллиард теңге бөледі. Сонымен қатар, Ақмола және Шығыс Қазақстан облыстарында шамамен 9 миллиард теңгеге мектеп құрылысы қаржыландырылуда.
- Біз компания бөлімшелері орналасқан елді мекендердегі ең өзекті әлеуметтік бастамаларға әрдайым көңіл бөлуге тырысамыз. Біздің қызметкерлер мен олардың отбасылары тұратын өңірлердің әлеуметтік әл-ауқаты біз үшін маңызды. Осы бағытта мемлекетпен бірлескен жұмысты жалғастыруға қуаныштымыз, – деді “Казцинк” бас директоры Жанат Жанботин.
