|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
“Kaspi Жұмыс” — бұл Kaspi.kz қосымшасындағы жұмыс іздеу мен қызметкерлерді іріктеуге арналған тегін әрі ыңғайлы сервис. Оның көмегімен жұмыс берушілер мен жұмыс іздеушілер тез әрі оңай байланыс орната алады, - деп хабарлайды Dauletten.kz.
Kaspi.kz басшысы және негізін қалаушылардың бірі Михаил Ломтадзе:
- Kaspi-де 700 мыңнан астам серіктесіміз бар. Олардың басым бөлігі — белсенді дамып, жаңа жұмыс орындарын ашып жатқан шағын және орта бизнес компаниялары. Біздің серіктестеріміз жиі қызметкерлер іздейді, ал клиенттеріміздің арасында жұмыс іздеушілер бар. Сондықтан, біз жұмыс берушілер мен жұмыс іздеушілерді байланыстыратын заманауи әрі ыңғайлы цифрлық сервис жасауды ұйғардық. “Kaspi Жұмыс” көмегімен екі тарап та бір-бірін тез таба алады, қызықты вакансиялар мен түйіндемелерге жылдам жауап беріп, өзара әрекет ету тарихын сақтап, көптеген күнделікті процесті жеңілдете алады. Бізбен бірге болған әр сүйікті клиентіміз бен серіктесімізге алғысымыз шексіз!
Егер сізге қызметкер қажет болса, “Kaspi Жұмыс” арқылы вакансия жариялап, лайықты үміткерлерді тез табуға болады. Қосымшада түйіндемелерді қарап, үміткерлермен тікелей байланысып, сұхбатқа шақыру мүмкіндігі бар. Енді қаралған түйіндемелер санын есте сақтаудың қажеті жоқ — сервис іздеу тарихын және тек сізге көрінетін пікірлерді автоматты түрде көрсетеді.
Ал егер жұмыс іздеп жүрсеңіз, “Kaspi Жұмыс” сізге түйіндеме жасауға көмектеседі. Ол үшін дайын үлгілерді пайдаланып, қажетті ақпаратты оңай толтыруға болады. Әр түрлі вакансиялар үшін бірнеше түйіндеме дайындап, өзіңізге ұнайтын жұмысқа жауап бере аласыз. Түйіндеме жасаған соң сервис сізге сәйкес келетін вакансияларды ұсынады. Сондай-ақ, жұмыс іздеуді өзіңіз жүргізіп, қалауыңызға сай ұсыныстарды таңдай аласыз.
