Жаңалықтар

Кәрім Мәсімовтің тағы бір туысына іздеу жарияланды

05.12.2024

1 мин

0

390

Сурет: ulysmedia

Ресейде Кәрім Мәсімовтің тағы бір туысына іздеу жарияланды. Бұл жолы Ресейдің құқық қорғау органдары бұрынғы ҰҚК басшысы Кәрім Мәсімовтің күйеу баласы Азамат Қапеновтің туған інісі Медер Қапеновті іздестіруде, - деп хабарлайды Dauletten.kz.

Іздеудегі азаматтың аты-жөні – Медер Қапенов, 1993 жылы Бішкекте туған. Іздеу себебі нақты көрсетілмеген, алайда қылмыстық бап бойынша күдік бар екені жазылған.

Медер Қапенов Қазақстанда бірнеше бизнес иесі. Ол 2020 жылы тіркелген және жылжымайтын мүлікті жалға беру (субаренда) қызметімен айналысатын "Евротранс Актив" ЖШС-ға иелік етеді. Сонымен қатар, 2021 жылы құрылған тасымалдау және экспедиция қызметтерін ұсынатын "ТрансКонтейнер Евразия" ЖШС-ның да иесі. Екі компания да Астанада тіркелген.

Ресейде де Медер Қапеновтің бизнесі бар. 2023 жылы ол Мәскеуде "Рубиус" атты компания құрған. Бұл компания мынадай қызмет түрлерімен айналысады:

• жылжымайтын мүлікті жалға беру, басқару және сату;
• ғимараттар, теміржол және метро құрылысы;
• логистика;
• автомобильдер, құрылыс және кеңсе техникаларын лизингке беру.

РФ заңды тұлғалар бірыңғай мемлекеттік тізіліміндегі (ЕГРЮЛ) ақпаратқа сәйкес, компанияны Қырғызстан азаматы Медер Қапенов құрған. Бұл дерек 2022 жылдың мамырында Қырғызстан президентінің азаматтық беру туралы жарлығында да расталған.

2024 жылдың қаңтарында Ресей 46 жастағы Азамат Қапеновке де іздеу жариялаған болатын. Оның қандай күдікке ілінгені әзірге белгісіз.