|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Израиль қорғаныс күштері (ЦАХАЛ) “саяси жағдайға байланысты” Газа секторындағы ХАМАС нысандарына жаппай соққы беруді жаңартқанын мәлімдеді, деп хабарлайды Dauletten.kz РБК-ға сілтеме жасап.
ЦАХАЛ-дың ресми деректеріне сүйенсек, әскер 18 наурыздан бастап Газа шекарасына жақын орналасқан израильдік елді мекендердегі оқу орындарының жұмысын уақытша тоқтатуға бұйрық берген.
Израиль премьер-министрінің кеңсесі ХАМАС-тың АҚШ-тың Таяу Шығыстағы өкілі Стив Уиткофф пен басқа да делегациялардың “барлық ұсынысын қабылдамағанын” хабарлады.
Араб тіліндегі БАҚ-тың мәліметінше, Израиль әуе күштерінің соққысы салдарынан бірнеше адам қаза тапқан.
Айта кетсек, 19 қаңтарда Израиль мен ХАМАС Газа секторында атысты тоқтату туралы келісімге қол жеткізген болатын. Оған сәйкес, 33 израильдік азамат 1900-ге жуық палестиналық тұтқынға айырбасталуы тиіс еді.
ХАМАС барлығы 16 израильдікті босатты, ал 17-сі әлі де топтың қолында қалды. Израильдік ақпарат көздерінің хабарлауынша, сол 17 адамның сегізі қаза тапқан, яғни Израиль тағы тоғыз азаматын қайтаруға үміттенген.
Ақпан айының басында ХАМАС тағы үш израильдікті босатуы керек болған, алайда топ Израильді келісім шарттарын орындамады деп айыптап, кепілге алынғандарды босатуды белгісіз мерзімге кейінге қалдырды.
Кейін АҚШ президенті Дональд Трамп ХАМАС-ты барлық тұтқынды босатуға шақырып, бұл талап орындалмаса, Газа секторындағы бітім бұзылатынын ескертті. Израиль премьер-министрі Биньямин Нетаньяху да ХАМАС кепілге алынғандарды босатпаса, Газадағы әскери қимылдарды жалғастыратынын мәлімдеді.
Өткен аптада ХАМАС Израиль-АҚШ қос азаматтығы бар кепілдегілерді босатуға дайын екенін мәлімдеді. Бұл, болжам бойынша, тұтқындағы соңғы тірі америкалық азаматқа қатысты болуы мүмкін. Алайда Израиль бұл мәлімдемені манипуляция деп бағалады.
