|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаты Ерлан Саиров инфрақұрылымдық жобаларға бюджеттен миллиардтаған қаражат бөлінгенімен, атқарылған жұмыстың сапасы сын көтермейтінін айтып, наразылық білдірді, - деп хабарлайды Dauletten.kz.
Мәжілісмен бюджет қаражатының тиімді жұмсалуына бақылауды күшейтуді талап етті.
- Президент Қасым-Жомарт Тоқаев үкіметтен қаражатты үнемдеуді және тек ең өзекті мәселелерді шешуге бағыттауды талап етеді. Алайда соңғы жылдары үкімет пен жергілікті билік жүзеге асыратын инфрақұрылымдық құрылыс жобаларының құны едәуір қымбаттағаны байқалады. Мысалы, Сыбайлас жемқорлыққа қарсы іс-қимыл агенттігі жол саласында жобалау-сметалық құжаттаманың (ЖСҚ) құны негізсіз қымбаттатылып, жалпы сомасы шамамен 10 миллиард теңгеге артық есептелгенін анықтады. Мердігерлер бағаны көтеру мен қаржылық құжаттарды қайта қарауды келісімшарттық қатынастардың ажырамас бөлігі ретінде қабылдайды, – деп мәлімдеді Саиров өз депутаттық сауалында.
Депутат бірқатар мысал келтірді, олардың қатарында Алматы метросының құрылысы, Екібастұздағы үшінші энергоблоктың салынуы және газ құбырларын жүргізу бар.
- Біз көріп отырғанымыздай, тек негізсіз қымбаттатылған жұмыстардың өзінен халық қаражатын жүздеген миллиард теңгеге үнемдеуге болады. ‘Amanat’ партиясы фракциясы салық төлеушілердің қаражатын жұмсауда қатаң тәртіп орнататын уақыт жетті деп есептейді. Жобалардың құнын заңсыз әрі қисынсыз өсіруге жол беруге болмайды. Мемлекеттік қаржы қатаң бақылауда болуы тиіс. Ашкөз мердігерлерді асырауды тоқтату керек, тапсырыс берушілердің шектен тыс тәбетін тыйю қажет. Осыған байланысты инфрақұрылымды дамытуға бөлінген бюджет қаражатын жоспарлау және мақсатты пайдалану процесін қатаң бақылауға алуды сұраймын, – деді мәжілісмен.
