|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Енді айыппұлды ерте төлегенде берілетін 50 пайыз жеңілдік алынып тасталуы мүмкін, - деп хабарлайды Dauletten.kz.
Сенаттың жалпы отырысында депутаттар жол қозғалысы ережесін бұзған кейбір жүргізушілер үшін айыппұл бойынша 50 пайыздық жеңілдікті алып тастау туралы ұсыныс білдірді.
Бүгін сенатор, бұрынғы ішкі істер министрінің орынбасары Марат Қожаев премьер-министр Олжас Бектеновқа жол ережесін бұзушыларға қатысты жазаны қатайту туралы сауал жолдады.
– 2024 жылы Алматыда 4,2 миллионнан астам жол қозғалысы ережелерін бұзу жағдайы тіркелген. Бұзушылықтардың негізгі бөлігі (3,7 миллионнан астамы) автоматтандырылған техникалық құралдар арқылы анықталған. Алматыда көлік құралының бір жүргізушісі бір жылда үш миллион теңгеден астам сома айыппұл төлеп, 143 бұзушылық жасаған жағдай тіркелген, - дейді Марат Қожаев.
Ол техникалық құралдар арқылы тіркелген ереже бұзушылықтар бойынша жүргізушілердің жауапкершілігін күшейту мәселесін қарауды ұсынды.
