|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаттары Премьер-министр мен Экология және табиғи ресурстар министріне метеорологтардың жалақысын 100%-ға арттыруды сұрап, сауал жолдады, - деп хабарлайды Dauletten.kz.
Депутат Ажар Сағандықова 1 шілдеден бастап Экология және табиғи ресурстар министрлігіне қарасты орман шаруашылығы, табиғатты қорғау және экологиялық ұйымдар қызметкерлерінің жалақылары көтерілгенін атап өтті.
Қазгидромет қызметкерлерінің жалақысы әлі күнге дейін төмен деңгейде қалып отыр. Бұл әділетті ме?, — деді депутат.
Сондай-ақ, Сағандықова техник-метеорологтар арасында жүргізілген сауалнама нәтижесінде, Қазгидромет РМК басшылығының ақшаны өз жалақысы емес, қарапайым қызметкерлердің еңбекақысы есебінен үнемдеп жатқандығы туралы пікірлер барын айтты.
"Қазгидромет" басшылығы жыл басында техникалық қызметкерлердің өтінішіне "жалақыны көтеру мәселесін мемлекеттік органдар шешіп жатыр" деп жауап берген. Дегенмен жыл аяқталды, ал сұрақ әлі шешілген жоқ. Осыған байланысты Жалпыұлттық социал-демократиялық партиясының депутаттары метеорологтардың тілегін тыңдап, өзекті мәселелерді бірінші кезекте қарастыруларыңызды және қазіргі еңбекақыны 100 пайызға арттыра отырып, метеорологтарды лайықты еңбекақымен қамтамасыз етуді сұрайды. Сондай-ақ қосымша бақылаулар үшін барлық қажетті бонустардың төленуін қамтамасыз етуді, кезекті демалыстарға қосымша күндерді қосуды, ұлттық және басқа мерекелер үшін бонустар беруді сұраймыз, - деді Сағандықова сауалында.
