|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Депутат Жигули Дайрабаев мәжілістің жалпы отырысында колледждегі білім беру жүйесін сынға алды. Ол оқушыларға 11-сыныпқа дейін тракторшы, слесарь, токарь сынды мамандықтарды үйрету қажет екенін айтты, - деп хабарлайды Dauletten.kz.
Дайрабаев мектептен кейін колледжде оқыту тәжірибесінің қай елдерде қолданылатынына күмәнмен қарап, оның тиімділігіне күдік келтірді.
— Мектепті толық аяқтау маңызды. Түске дейін мектепте оқып, түстен кейін зоотехник немесе ветеринар болу мүмкін емес. Бұрынғы техникумдар сияқты, колледждерде білім сапасы жоғары болуы тиіс. Ал 11-сыныпқа дейін оқушыларды қажетті мамандықтарға мектеп қабырғасында үйрету керек. Біз кезінде мектепте тракторшы, слесарь, токарь мамандықтарын меңгергенбіз, сіздер мұны жаңалық ретінде ұсынбаңыздар. Өткеннің бәрін жоққа шығаруға болмайды. Жастарды масылдыққа емес, еңбекке баулу қажет, — деді депутат.
Дайрабаевтың пікірі бойынша, колледждердегі білім беру жүйесі қайта қаралуы тиіс.
Бұл мәселеге қатысты депутат Асхат Аймағамбетов өз пікірін білдірді.
— Колледждердегі білім беру жүйесін талқылауға дайынбыз. Бұрынғыдай шаштараз болу үшін 3 жыл, 11 ай оқытудың қажеті жоқ. Қазіргі таңда жұмысшы мамандықтарын бір жыл ішінде меңгеруге мүмкіндік бар. Сондықтан бұл бағытта бірге жұмыс істеуге әзірміз, — деді Аймағамбетов.
