|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Дархан Ахмед-Заки М. Әуезов атындағы Оңтүстік Қазақстан зерттеу университетінің ректоры қызметіне кірісті, - деп хабарлайды Dauletten.kz Ғылым және жоғары білім министрлігіне сілтеме жасап.
Дархан Ахмед-Заки 1981 жылы Шығыс Қазақстан облысында дүниеге келген. Әл-Фараби атындағы Қазақ ұлттық университеті мен Қ. Сәтбаев атындағы Қазақ ұлттық техникалық университетін тәмамдаған. Техника ғылымдарының докторы, профессор.
Еңбек жолын 2002 жылы Алматыдағы Республикалық медицина колледжінде физика және математика пәндерінің оқытушысы ретінде бастаған. 2003 жылы Жаңаөзендегі “Қазақойл” ЖАҚ технологиялық зерттеулер орталығында инженер-бағдарламашы болып жұмыс істеген.
2004-2012 жылдары Әл-Фараби атындағы ҚазҰУ механика-математика факультетінде ассистент, оқытушы, аға оқытушы, доцент, деканның оқу-тәрбие ісі жөніндегі орынбасары, сондай-ақ “Информатика” кафедрасының меңгерушісі қызметтерін атқарды.
2012-2013 жылдары ҚазҰУ механика-математика факультетінің деканы болды. 2013-2016 жылдары оқу жұмысы жөніндегі проректор қызметін атқарды.
2016-2017 жылдары Білім және ғылым министрлігінің Жоғары және жоғары оқу орнынан кейінгі білім департаментін басқарды. 2017-2020 жылдары Халықаралық бизнес университетінің президенті қызметін атқарды.
2020 жылдың тамызынан 2022 жылдың қазанына дейін Astana IT University ректоры болды. Одан кейін, 2022 жылдың қарашасында Ғылым және жоғары білім министрлігі Ғылым комитетінің төрағасы қызметіне тағайындалды.
Жаңа қызметке тағайындалғанға дейін, 2023 жылдың қыркүйегінен бастап Ғылым және жоғары білім вице-министрі болып жұмыс істеді.
